9. holu golfvöllur

Lundsvöllur er 9. holu golfvöllur, par 35 með gula og rauða teiga og er heildar lengd brauta af gulum teigum 2.378 m. Á vellinum eru 3 par 3 holur, 2 par 5 holur og 4 par 4 holur.

Völlurinn er á flata fyrir neðan bæinn Lund skammt frá bökkum Fnjóskár. Einkenni vallarins er mikið berjalyng sem umlykur hann, einnig er lækur sem rennur í gegnum hann miðjan og hefur áhrif á leik á 5. holum.

Staðsetning

Völlurinn er á flata fyrir neðan bæinn Lund skammt frá bökkum Fnjóskár. Einkenni vallarins er mikið berjalyng sem umlykur hann, einnig er lækur sem rennur í gegnum hann miðjan og hefur áhrif á leik á 5. holum. Hæðarmunur á hæsta og lægsta punkti vallarins eru 12 m.

Vandað til verka

Við uppbyggingu á vellinum var fengin aðstoð frá fagmanni sem koma að hönnun vallarins og uppbyggingu. Allar flatir og teigar eru uppbyggð frá grunni og var grasfræjum sáð í það. Einnig er vökvunarkerfi í flötum vallarins. Lundsvöllur er með staðfest vallarmat frá GSÍ síðan 23. mars 2010.

Veðursæld á staðnum er margrómuð, hitastig 3-4° hærra en á Akureyri, engin hafgola eða þoka nær þarna í dalinn. Við völlinn er 120 m2 klúbbhús með kaffi og veitingasölu og rúmar 55 manns í sæti.